Астана қаласының Мемлекеттік архивінің қызметкерлері Ақмола облысы, Ақмол ауданы, Оразақ ауылына барды.
Мақсат – Екінші дүниежүзілік соғысқа қатысушы, үш мәрте «Даңқ» орденің иегері, барлаушы Әлмұқан Сембинов туралы дерек жинап, ата тегін түгендеу. Ауыл ақсқалдарымен жүздесіп, әңгімелерін тыңдап, Сембиновтың шежіресін нақтылады.
Ауыл тұрғыны Аманбай Мұқажанұлы ескірмес естелік айтып, Әбітжан Сақанұлы екеуі Ә. Сембиновтің жеті атасы туралы шежірені жазып берді. Айта кету керек, биылғы жылы Екінші дүниежүзілік соғыстың аяқтағанына 80 жыл толуына орай, Әлмұқан Сембинов жайлы «Тағдыры тарихқа айналған...» тарихи кітабы оқырманға жол тартады.
