Астана қаласы мемлекеттік архиві «Сирек кітаптар мен қолжазбалар» коллекциясының таныстырылымын ұйымдастырды. Іс-шара аясында 1823 жылы Қазанда басылып шыққан Құран-Кәрім мен өзге де құнды қолжазбалар жұрт назарына ұсынылды.
Архив қорына қабылданған мұралар арасында діни, тарихи және әдеби мазмұндағы көне кітаптар мен қолжазбалар бар. Мамандардың айтуынша, бұл жәдігерлер ұлттық мұра ретінде ғылыми айналымға енгізіліп, зерттеушілерге қолжетімді болады.
Таныстырылым кезінде келушілерге сирек басылымдардың түпнұсқасы көрсетіліп, олардың мазмұны мен сақтау жайы туралы ақпарат берілді.
Архив қызметкерлері бұл бастаманың рухани құндылықтарды жаңғыртуға және тарихи сананы нығайтуға бағытталғанын айтады.
