.jpeg)
.jpeg)
.jpeg)
Құжаттардың жетіспейтін және жыртылған бөліктерін толықтыру.
Құжаттарды қалпына келтіру (реставрациялау) барысында қолданылатын маңызды технологиялардың бірі – жетіспейтін және жыртылған бөліктерін толықтыру. Бұл әдіс құжаттың зақымданған тұстарын арнайы реставрациялық қағаз массасының көмегімен толықтыру арқылы оның тұтастығы мен беріктігін қалпына келтіруге бағытталған.
Толықтыру жұмыстары құжаттың қағаз құрылымын, қалыңдығын және физикалық ерекшеліктерін ескере отырып жүргізіледі. Нәтижесінде жоғалған бөліктер толықтырылып, жыртылған жерлері бекітіледі, сондай-ақ құжаттың одан әрі бүлінуіне жол берілмейді.
Аталған реставрациялық әдіс:
* құжаттың механикалық беріктігін арттырады;
* жетіспейтін бөліктерін толықтырады;
* жыртылған және зақымданған тұстарын қалпына келтіреді;
* құжаттың тарихи және ғылыми құндылығын сақтауға ықпал етеді;
* құжаттың ұзақ мерзімді сақталуын қамтамасыз етеді.
Толықтыру жұмыстары архивтік құжаттарға, қолжазбаларға, кітаптарға, карталарға және басқа да қағаз негізіндегі құжаттарға халықаралық реставрациялық талаптар мен қағидаттарды сақтай отырып орындалады.
Мақсатымыз – құжаттардың түпнұсқалығын сақтай отырып, олардың физикалық жай-күйін жақсарту және мәдени-тарихи мұраны келешек ұрпаққа жеткізу.
